"Nesër në Zvërnec", protestuesit në Bulevard njoftojnë protestat për nesër -

“Nesër në Zvërnec”, protestuesit në Bulevard njoftojnë protestat për nesër

Ka nisur vetëm pak minuta më parë protesta e qytetarëve në bulevardin “Dëshmorët e Kombit” në mbrojtje të Zvërnecit.

Qytetarët mbajnë në duar flamuj kuq e zi, flamuj me mbishkrimin autoktonë dhe kanë ndezur flakadanë.

Në duar qytetarët mbanin pankarta që distancojnë protestën nga politika, si “Rama n’burg, Berisha n’burg”, ndërsa nuk kanë munguar edhe “Atdheu nuk është në shitje” dhe “Edi Rama dorëhiqu”, “Toka është e maskarenjve por Atdheu i shqiptarëve”, “2000 euro metri katror, 600 euro qeraja, 700 euro paga”, “Ju jeni hajdutë”, “Di gjë ka ilaç kundër helmit të gjakpirësve”, “Shoqëria është e jona”.

Ditën e nesërme janë paralajmëruar dy protesta të njëpasnjëshme, në Zvërnec dhe në Tirana, me qytetarët që shprehen se kërkesa e tyre kryesore mbetet e njëjtë: dorëheqja e kryeministrit Edi Rama.

Sipas njoftimeve, protesta e parë do të zhvillohet në orën 10:00 në Zvërnec, ndërsa tubimi i dytë është planifikuar në orën 18:00 në Bulevardin e Tiranës, ku pritet të mblidhen sërish qytetarë nga zona të ndryshme.

gijotina.com/

Etiketa: Kryesore1 Zverneci