Mbi 26.600 maturantë në të gjithë vendin do të zhvillojnë provimin e tretë, atë të Matematikës.
Provimi fillon në orën 10:00 dhe do të përfundojë në orën 12:30.
Gjatë kohës së zhvillimit të provimit ndalohen rreptësisht telefonat celularë dhe orët smart.
Nxënësit duhet të kenë me vete mjet identifikimi, kartë ID ose pasaportë, dy stilolapsa, vizore të vogël, makinë llogaritëse të thjeshtë, si dhe një shishe me ujë.
Për sa i përket veshjes, kërkohet uniforma e shkollës, ndërsa në mungesë të saj lejohet bluzë dhe xhinse.
Në të gjithë vendin janë 144 qendra provimi në shkolla. Mbarëvajtja e procesit do të mbështetet nga 2087 mësues administratorë dhe 170 monitorues të Ministrisë së Arsimit, ndërsa 650 vlerësues do të angazhohen në korrigjimin e testeve të Maturës Shtetërore.
Discussion about this post