Austria ka triumfuar përballë Jordanisë në ndeshjen e raundit të parë të Botërorit 2026, në Grupin J. Sfida e zhvilluar në “Levi’s Stadium” në California, përfundoi me shifrat 3-1.
Austriakët e gjetën golin e avantazhit në minutën e 21-të me anë të Schmid, ndërsa kundërpërgjigjen e morën në të 50-tën, pasi Jordania barazoi falë golit të Olwan.
Ndërkohë që Arab në minutën e 76-të shënoi një autogol, duke rikthyer Austrinë te avantazhi. Për të vulosur rezultatin mendoi Arnautovic në të 102-tën minutë, duke kthyer në gol një penallti.
Kështu, austriakët e nisin me këmbën e mbarë Botërorin, ndërsa shkojnë në vendin e dytë me 3 pikë, po aq sa Argjentina kryesuese. Këta të fundit mbajnë kreun për shkak golavarazhi.
Pavarësisht humbjes, Jordania la përshtypje pozitive në debutimin e saj në këtë Botëror, ndërsa Austria mori një sukses të vlefshëm për të nisur me këmbën e mbarë aventurën në turne.
Discussion about this post