I kërkuar nga SPAK si pjesë e një grupi kriminal, kapet në Dubai Jetmir Pepa

 I shpallur në kërkim nga Prokuroria e Posaçme Kundër Korrupsionit dhe Krimit të Organizuar SPAK, Jetmir Pepa është arrestuar në Dubai dhe pritet të ekstradohet drejt Shqipërisë për t’u përballur me drejtësinë.

Pepa dyshohet si një element kyç brenda një grupi të strukturuar kriminal, i goditur më parë nga SPAK në kuadër të një operacioni të gjerë kundër trafikut ndërkombëtar të lëndëve narkotike.

Mësohet se, organizata kriminale, pjesë e së cilës dyshohet se ishte Pepa, ka operuar në linja të sofistikuara të trafikut të kokainës nga Amerika Latine drejt vendeve europiane.

Hetimet kanë zbuluar se fitimet marramendëse të siguruara nga ky aktivitet i paligjshëm janë riinvestuar në sektorë të ndryshëm të ekonomisë në Shqipëri, me qëllim “larjen” e parave dhe fshehjen e gjurmëve të origjinës së tyre

gijotina.com/