Partia Demokratike do të mbledhë ditën e sotme Këshillin Kombëtar, ku pritet të zgjidhet ekipi i ri drejtues. Mbledhja e Këshillit Kombëtar të Partisë Demokratike do të nis në orën 18:00, ku pritet që vendimmarrja e këtij organi të përcaktojë strukturën kryesore drejtuese të PD-së në vijim.
Përmes një njoftimi zyrtar, PD bëri me dije se në rend dite do të jetë zgjedhja e ekipit, e cila do të ndihmojë Kryetarin në drejtimin e partisë. Në këtë mbledhje pritet që të zgjidhen sekretari i Përgjithshëm i partisë, nënkryetarët e PD-së, Sekretariati i PD-së dhe Komisioni i Apelimit të PD-së.
Njoftimi i PD:
Të nderuar zonja dhe zotërinj anëtarë dhe anëtare të Këshillit Kombëtar!
Së pari, ju falenderoj dhe njëherë bashkarisht për mbështetjen dhe ju shpreh mirënjohjen, respektin dhe përkushtimin tim absolut për punën tonë të përbashkët, që uroj të na shkojë sa më mbarë.
Së dyti, ju njoftoj që ditën e mërkurë, më datë 15 Korrik, ora 18:00, do të zhvillohet mbledhja e Këshillit Kombëtar të Partisë Demokratike, me rend dite:
1-Zgjedhja e ekipit që do të ndihmojë Kryetarin në drejtimin e Partisë; konkretisht:
a-)Sekretarit të Përgjithshëm;
b-)Nënkryetarëve të PD-së;
c-)Sekretariatit të PD-së;
d-)Komisionit të Apelimit të PD-së.
2-Të tjera.
Ju falemnderit!.
Discussion about this post