Presidentja Osmani uron Krasniqin për medaljen e artë: Fytyra e shtetit tonë, nderi dhe krenaria!

Presidentja e Kosovës Vjosa Osmani ka reaguar pas triumfit të Distria Krasniqit e cila rrëmbeu medaljen e artë në Portugali.

Osmani shprehet se është krenare që sportistët tanë vazhdimisht po demonstrojnë formë fantastike në gara ndërkombëtare duke nderuar veten dhe Kosovën.

“Disi jonë fitoi medaljen e artë në Grand Prix të Portugalisë. Krenare që sportistët tanë vazhdimisht po demonstrojnë formë fantastike në gara ndërkombëtare, duke e nderuar veten dhe shtetin.

Distria është fytyra e shtetit tonë, ajo është nderi dhe krenaria!  I lumtë që me sukseset e saj prej kohësh është bërë ikona e Kosovës së sotme” – shkruan Vjosa Osmani.