Interi shënon 16 gola në një ndeshje miqësore, Kristjan Asllani befason me rolin e tij

E ardhmja e Kristjan Asllanit te Interi vazhdon të jetë në pikëpyetje. Mesfushori i Kombëtares shqiptare mbetet një nga emrat që mund të largohet nga skuadra zikaltër gjatë kësaj merkatoje, ndërsa drejtuesit e klubit po shqyrtojnë mundësitë për një transferim të mundshëm. Pavarësisht zërave për largimin, trajneri Kristian Kivu i dha minuta shqiptarit në miqësoren e parë të fazës përgatitore, ku Interi fitoi me rezultatin e thellë 16-0 ndaj skuadrës gjermane SV Asen.

Ajo që tërhoqi më shumë vëmendjen ishte pozicioni i Asllanit në fushë. Ndryshe nga roli i tij natyral në mesfushë, tekniku rumun e aktivizoi si qendërmbrojtës në pjesën e parë të ndeshjes, duke testuar aftësinë e tij për të ndërtuar lojën nga prapavija.

Sipas mediave italiane, bëhet fjalë për një provë taktike të Kivus, i cili kërkon që mbrojtësit e tij të kenë cilësi në qarkullimin e topit. Megjithatë, ky eksperiment nuk konsiderohet si një sinjal se Asllani do të ketë një rol të ri në skuadër.

Raportimet në Itali vijojnë të theksojnë se mesfushori shqiptar mbetet në listën e lojtarëve që mund të largohen para mbylljes së merkatos, ndërsa Sasuolo është opsion. Interi synon të gjejë një zgjidhje përfundimtare për kartonin e tij, ndërsa interesi nga klube të tjera nuk mungon. Për momentin, Asllani vijon të stërvitet me grupin dhe po shfrytëzon fazën përgatitore për të bindur Kivun, ndërsa e ardhmja e tij pritet të qartësohet në javët e ardhshme.

gijotina.com/

Interi shënon 16 gola në një ndeshje miqësore, Kristjan Asllani befason me rolin e tij

Lajme të lidhura

Daku dhe Seferi karikojnë kuqezinjtë para Bjellorusisë: Jemi grup i fortë, por do fitojmë

Shqiptarët bëjnë diferencën në Turqi, Muçi lë pas Salah dhe përfshihet në listën e më të mirëve

Zjarri masiv në Gjirin e Lalëzit, kryebashkiakja: U evakuuan të gjithë personat që ndodheshin në një kompleks turistik

Pëson infarkt në plazhin e Pogradecit, humb jetën i moshuari

Discussion about this post

TË FUNDIT

Daku dhe Seferi karikojnë kuqezinjtë para Bjellorusisë: Jemi grup i fortë, por do fitojmë

Berisha hedh akuza të forta për Vlora Hysenin: Rama e përdorte për të rrëzuar qeverinë e Kosovës

Tjetër goditje për Ramën? Investigimi nga Austria që paralajmëron zbardhjen e aferave të korrupsionit qeveritar

Berisha: Rama përpiqet ta paraqesë si aferë dashurie Hyseni-Agasi, por ajo e ka marrë çdo vendim me porosi të tij

Lëvizje në Policinë e Shtetit, ndryshojnë drejtuesit në Berat, Sarandë, Dibër dhe Tropojë (Emrat)

KONTAKT

Harta e Faqes