Dhunoi efektivin e policisë, arrestohet 55-vjeçari në Tiranë

Një 55-vjeçar ka rënë në prangat e policisë pasi akuzohet se ka qëlluar me grusht një punonjës të Policisë Rrugore gjatë shërbimit.

Sipas bluve të Tiranës, A.H 55-vjeç, drejtues automjeti nuk i është bindur urdhrit të policit rrugore, përkundrazi e ka goditur atë me grusht. Tani ai do të duhet të përgjigjet para ligjit për veprën penale “Goditjet për shkak të detyrës”. Ndërkohë nga të dhënat e policisë se i arrestuari ishte gjobitur disa herë për shkelje të rregullave rrugore dhe vazhdonte të përsëriste shkeljet.