Në ditën e 57-të të protestës para Kryeministrisë, një prej protestuesve ka mbajtur një fjalim të ashpër ndaj qeverisë, duke akuzuar kryeministrin Edi Rama dhe institucionet shtetërore për dhunë ndaj qytetarëve.
Protestuesi deklaroi se përplasjet e fundit mes policisë dhe protestuesve përbëjnë, sipas tij, një shkelje të të drejtave dhe lirive themelore.
Ai kritikoi përdorimin e forcave të rendit gjatë protestave dhe kërkoi reagim nga qytetarët dhe partnerët ndërkombëtarë.
“Ne para disa ditësh u ndodhëm para një represioni. Aty para Parlamentit nuk pamë policë shqiptarë. Aty para parlamentit ishin çetnikët serbë, nuk ishin policë shqiptarë! Na hodhën helm!”, u shpreh ai gjatë fjalimit.
Sipas protestuesit, qytetarët nuk duhet të heshtin përballë situatave që ai i cilësoi si cenim të hapësirave publike dhe të drejtës për protestë.
Ai iu drejtua gjithashtu diplomatëve të vendeve partnere, duke kërkuar që të mbajnë qëndrim ndaj zhvillimeve politike në vend.
“Partneriteti i vërtetë është këtu, në shesh, jo vetëm në zyra”, deklaroi protestuesi.
Protestat para Kryeministrisë kanë vijuar prej 57 ditësh, me qytetarë që kërkojnë ndryshime politike dhe dorëheqjen e kryeministrit Edi Rama.
Discussion about this post