Voltana Ademi tërhiqet nga gara për kryetare e Bashkisë Shkodër

Voltana Ademi është tërhequr nga gara për kryetare e Bashkisë Shkodër. Ademi nuk do të jetë pjesë e garës për 6 marsin, edhe pse kishte deklaruar se ishte gati të kandidonte për një mandat tjetër.  Ajo ende nuk ka konfirmuar lajmin dhe nuk ka dhënë asnjë deklaratë për arsyen e tërheqjes nga gara. Kujtojmë se Ademi është shfaqur së fundi krah lëvizjes së ish kryeministrit Sali Berisha. Komisioni i Rithemelimit do të zhvillojë me 30 Janar votimet për të zgjedhur kandidatët për kryebashkiak

Bardh Spahia, Astrit Bushati dhe Irena Shestani pritet të jenë emrat nga grupi i rithemelimit që do i ofrohen të dielën strukturave të PD për të votuar njërin prej tyre për kandidatë për kreun e Bashkisë Shkodër. Kujtojmë që një natë më parë, PS Shkodër shpalli kandidaturën për kreun e Bashkisë Shkodër, e cila është prefektja e Qarkut Shkodër, Majlinda Angoni.