Edhe pa nisur sezoni i ri në Angli, një deklaratë e pazakontë ka tërhequr vëmendjen e tifozëve.
Nana Kwaku Bonsam, i njohur si magjistar dhe prift tradicional nga Gana, ka parashikuar se Chelsea do të shpallet kampion i Premier League.
“Chelsea do ta fitojë Premier League”, u shpreh Bonsam, duke bindur se skuadra londineze do të rikthehet në fronin e futbollit anglez.
Bonsam është një figurë kontroverse, e cila u bë e njohur në vitin 2014, kur pretendoi se kishte parashikuar problemet fizike të Cristiano Ronaldo para Kupës së Botës.
Që atëherë ai ka bërë disa deklarata të ngjashme për futbollistë dhe ndeshje të rëndësishme, duke pretenduar se mund të ndikojë në rezultatet përmes praktikave tradicionale.
Parashikimi i tij vjen në një moment kur Chelsea po ndërton një projekt të ri sportiv, pas investimeve të mëdha në merkato dhe afrimit të një numri të madh lojtarësh të rinj.
Mbetet për t’u parë nëse fjalët e magjistarit ganez do të rezultojnë të sakta, apo do të mbeten thjesht një tjetër deklaratë që ka ndezur debatet mes tifozëve të Premier League.
Discussion about this post