Në ditën e 65-të të tubimit, protestuesit u grumbulluan mbrëmjen e sotme në ‘Sheshin Skënderbej’ në Tirane dhe vijuan marshimin duke u ndalur në sheshin para Kryeministrisë.
Me pankarta në duar, flamuj kuqezi e simbole kombëtare, ata kërkojnë dorëheqjen e Qeverisë dhe largimin e të gjithë klasës politike aktuale.
‘Rama n’burg, Berisha n’burg’, ‘qeveri e krimit’, ‘Shqipëria kërkon revolucion’, janë disa nga thirrjet kryesore të protestuesve gjatë marshimit.
Aktori Mehdi Malkaj tha gjatë fjalës së mbajtur në protestë se kryeministri Rama duhet larguar nga pushteti, pasi sipas tij, ai po e shet Shqipërinë pjesë-pjesë.
“O njerëz, më keni në future në borxhe të mëdha me këto duartrokitje që më jepni. Për të shlyer nuk u’a shlyej dot, por do mundohem t’i zvogëloj. Këtu është një det me njerëz, që nuk janë as majtas, e as djathtas, por janë shqiptarë të shkëlqyer që duan atdheun dhe duan t’i shkulin dhëmbët këtij plehrës që është këtu, që e shet atdheun pjesë-pjesë. Nuk kemi kohë më për fjalë. Tani do bëjmë atë që duhet bërë. Nëse ai nuk del, do ta nxjerrim. Një palo burrë. Unë kam një variant, është më i mirë ky më duket. Sikur ne ta marrim me këngë e me valle, ta marrim hopa dhe ta hedhim në Lanë, ta qëllojmë me domate, të jeni të sigurt që ai që do vijë kryeministër më vonë do thotë ‘atë e hodhën në Lanë, por mua nuk i dihet se çfarë më bëjnë’. Ata janë trima kur kanë pushkë, por ne jemi trima kur kemi mendje”, tha mes të tjerash aktori Mehdi Malkaj.
gijotina.com/
Discussion about this post