Banorët e lagjes nr 15 në qytetin e Korçës janë tronditur nga ajo që ndodhi rreth dy orë më parë në zonën ku jetojnë prej vitesh.
Ata shprehen të shokuar dhe të shqetësuar dhe pohojnë se nuk kanë pasur ngjarje të tjera të tilla.
Një banor tregon se jetojnë në një lagje të qetë, por tani janë të frikësuar.
“Tjetri erdhi, e vrau dhe iku, normal që jemi të shqetësuar”, shprehet ai.
Banori: Ra një llamarinë, thamë ç’u bë? Dolëm jashtë, shikoj policinë.
-Po djemtë i njihnit?
Banori: Jo, s’janë të lagjes. Dëgjova llamarinë, s’më shkoi mendja për krismë. Është lagje e qetë, as hajdutë, asgjë.
E njëjta deklaratë vjen edhe nga një banor tjetër.
Banori: Nuk i njohim kush janë. Është një grua që qan e thërriste, por se kush është nuk e di. S’dimë çka ndodhur. Këtu s’ka pasur asnjë shqetësim, është lagje e qetë.
gijotina.com/
Discussion about this post