Duhet të ishte qendërsulmuesi që do të duhej te drejtonte repartin e avancuar prej vitesh, por Santi Gimenez do të jetë ‘9’ i radhës në historinë e viteve të fundit që nuk do të lërë gjurmë. Aventura milanezë e meksikanit, në fakt është drejt përfundimit pas vetëm 18 muajsh. Porto ka hyrë në kontakte me kuqezinjtë për të zhvilluar bisedimet e para zyrtare për Gimenez.
Diskutime që kanë dhënë frytet; futbollisti pritet të transferohet te klubi portugez me huazim me të drejtë blerjeje për rreth 20 milionë euro. Trajneri Francesco Farioli ka folur vetë me lojtarin që është shfaqur i hapur ndaj një kalimi te Porto. Për më tepër, Gimenez sheh t’i ngushtohen hapësirat nga ardhja e Gonçalo Ramos.
Sigurisht pas ish futbollistit të PSG do të jetë vetëm Francesco Camarda, por Gimenez pas një periudhe të vështirë me kuqezinjtë mund të kenë nevojë për të ndryshuar ambient. Agjentët e tij janë në kontakt të vazhdueshëm me Porton për të zgjidhur të gjitha detajet e kontratës dhe për të mbyllur sa më shpejt të jetë e mundur këtë operacion sa më shpejt të jetë e mundur. Dhe kështu nuk përjashtohet mundësia që Milani deri në përfundim të merkatos të sjellë në skuadër edhe një sulmues tjetër, ndoshta ndonjë me ‘ulje’ të ditëve të fundit.
Ndërkaq, Milani po punon edhe për gjetjen e zëvendësuesit të Zachary Athekame që u transferua te Lyon në formë huazimi. Emri i parë në listë është ai i Zakaria El Ouahdi, mbrojtësi i djathtë i Genk. Klubi belg kërkon për futbollistin maroken 13-15 milionë euro dhe Milani reflekton; deri në shtator janë ende disa operacione për t’u mbyllur në mënyrë që Ruben Amorim të ketë një skuadër kompetitive për 3 turne.
gijotina.com/
Discussion about this post