Shërbimet e Policisë Kufitare të Sarandës, kanë konstatuar mbasditen e kësaj të enjteje 5 mjete lundruese të llojit skaf plastik, pa dokumentacionin e detyrueshëm në bord.
Janë ndaluar dhe gjetur pa dokumentacion skafet “Rolex 1” me drejtues K. D, “Hans 1” me drejtues A. A, “Noens-S” me drejtues E. B, “Venus” me drejtues E. Sh dhe “Brizo” me drejtues “A. I”.
Të pesë drejtuesit e mjeteve lundruese janë gjobitur me 10.000 lekë secili, në përputhje me dispozitat e legjislacionit në fuqi.
Për të gjitha mjetet e gjobitura u bë bllokimi i tyre deri në likujdimin e masave.
Discussion about this post