Një aksident i rëndë është regjistruar në aksin rrugor “Çermë-Divjakë”, ku një 82-vjeçar ka humbur jetën.
Sipas të dhënave paraprake, shtetasi H. D. ishte duke drejtuar automjetin kur ka humbur kontrollin mbi drejtimin e mjetit dhe është përplasur me një shtyllë.
Përplasja ka qenë e fortë dhe i moshuari është dërguar me urgjencë në spital për të marrë ndihmë mjekësore.
Pavarësisht ndërhyrjes së mjekëve, 82-vjeçari ka ndërruar jetë si pasojë e plagëve të marra.
Në vendngjarje kanë mbërritur shërbimet e Policisë, ndërsa grupi hetimor po punon për të përcaktuar rrethanat e plota të aksidentit dhe shkakun që çoi në humbjen e kontrollit të automjetit.
Discussion about this post