Protesta qytetare kundër qeverisë dhe kryeministrit Edi Rama vijon edhe këtë të shtunë, duke shënuar ditën e 77-të të saj. Në protestën e sotme raportohet edhe një pjesëmarrje e konsiderueshme e qytetarëve nga diaspora.
Protestuesit janë mbledhur për të shprehur kundërshtimin ndaj qeverisë, ndërsa një prej tyre e ka cilësuar ditën e sotme si një moment të veçantë për shkak të pjesëmarrjes së diasporës.
“Janë 77 ditët e diasporës, janë 77 ditët e 80 viteve të shtypjes që i janë bërë këtij populli. Janë 77 ditët e shpresës, që në një formë ose tjetër do sjellin zgjidhje, që do të jetë dorëheqja e qeverisë Rama dhe Shqipëria e re”, u shpreh protestuesi.
Sipas tij, protestat përfaqësojnë një shpresë për ndryshim politik dhe vijojnë deri në arritjen e objektivit të kërkuar nga protestuesit.
Discussion about this post