Dita e diel do të sjellë kushte atmosferike relativisht të qëndrueshme në vend, por nuk do të mungojnë vranësirat dhe reshjet e izoluara të shiut në disa zona të territorit.
Sipas parashikimit, dita do të nisë me mot të kthjellët, ndërsa gjatë orëve në vijim do të ketë alternime vranësirash mesatare, të cilat herë pas here do të bëhen më të dendura.
Prej orëve të mesditës dhe gjatë pasdites, vranësirat e dendura do të shoqërohen me reshje lokale dhe afatshkurtra shiu, me intensitet të ulët. Reshjet pritet të jenë më të përqendruara në zonat lindore dhe jugore të vendit.
Ndërkohë, era do të fryjë nga veriperëndimi në juglindje, me shpejtësi mesatare rreth 7 m/s.
Në zonat bregdetare, deti do të jetë i qetë, me valëzim të forcës 1-2 ballë.
Temperaturat e ajrit do të vijojnë të jenë të larta për stinën, me vlerat maksimale që në disa qytete pritet të arrijnë deri në 34 gradë Celsius.
Discussion about this post