Robert Berisha nuk pyet për moshën: Ndihem si 21-vjeçar

Robert Berisha ka festuar ditëlindjen e tij të 44-të. Pavarësisht se ai mban 44 vite mbi shpinë, moderatori shprehet se ndihet si 21 vjeçar.

“Robi 44, nga ta kthesh njësoj i bien”, thotë ai me humorin që e karakterizon, duke bërë ironi me ata që e lexojnë moshën mbrapsht.

Për Robertin mosha është thjesht një numër, pasi siç titullohet emisioni i tij “Robi plaket kur don vetë”, atëherë do plaket edhe Roberti.

Po ku qëndron sekreti i tij që mbetet gjithmonë në formë dhe i ri? Gjatë një interviste për “Panorama Plus”, pyetjes se do ta konsideroje këtë kulmin tënd?, ai iu përgjigj: “Nuk e di. Nuk e mendoj asnjëherë të arrij kulmin. Shpresoj që do të kem shëndet dhe ta bëj këtë punë sa më gjatë, sepse e dua shumë muzikën!”

Po për moshën çfarë thotë, a mendon se jeta nis vërtet 40 vjeç?

 “Mosha për mua është vetëm numër… Unë ndihem si 21- vjeçar. ”Robi plaket kur do vetë” është një këngë e vjetër dhe shumë e bukur”.

Është i kënaqur me paratë që fiton nga muzika?

“Pasuria s’ka kufi… Kemi një jetë normale dhe jetoj prej muzikës.” 

Kënga që ia kërkojnë shpesh në eventet ku është i ftuar?

“Është kënga “Mia” normalisht, sepse është kënga ime e parë dhe është më ritmike… Kurse këngët që i preferoj unë dhe që i dua, nuk i këndoj asnjëherë, sepse janë serenata dhe në ato vende ku këndojmë ne nuk i preferojnë të rinjtë e sotëm”.

Pas ndarjes nga Nora Istrefi, Robert Berisha përgjithësisht e ka mbajtur jetën e tij shumë private, duke u treguar i rezervuar për sa u përket lidhjeve të reja, ose më mirë të themi duke i mohuar ato. Ai u përfol se kishte nisur një romancë me modelen Jessica Kadiu, por këngëtari i mohoi lajmet, pavarësisht deklaratave të saj ku shprehej se kishin qenë bashkë.