Në protestën e 88-të kundër qeverisë dhe kryeministrit Edi Rama, një prej qytetarëve të pranishëm në shesh ka komentuar arrestimin e Ergys Agasit, duke e cilësuar si një lajm të mirë dhe duke kërkuar vijimin e hetimeve ndaj zyrtarëve të tjerë të lartë.
Protestuesi tha se arrestimi i Agasit, i ndodhur ditën e sotme, përbën sipas tij një lajm të mirë, ndërsa kërkoi arrestimin edhe të ish-zv.kryeministres Belinda Balluku dhe kryeministrit Edi Rama.
“Mirëmbrëma të gjithëve! Ja ku jemi këtu, me një lajm të mirë, me arrestimin e Ergys Agasit. Arrestimi i tij është vetëm fillimi. Ne kërkojmë arrestimin e Belinda Ballukut, të Edi Ramës”, u shpreh qytetari.
Kujtojmë se Ergys Agasin, i shpallur në kërkim nga SPAK, është arrestuar edhe Uljan Shpataraku, ish-punonjës policie.
Arrestimi i tyre vjen në kuadër të zhvillimeve në dosjen e AKSHI-t, për të cilën po heton Prokuroria e Posaçme (SPAK).
Discussion about this post