Janë zbardhur disa nga porositë që kryeministri Edi Rama ka zhvilluar sot një takim me drejtuesit politikë dhe ministrat, ku në fokus ka qenë organizimi në territor dhe forcimi i komunikimit me qytetarët.
Mësohet se gjatë takimit, Rama ka kërkuar ndërtimin e një skeme të personalizuar për të gjithë drejtuesit politikë, ministrat, zëvendësministrat dhe deputetët.
Sipas porosisë së kryeministrit, kjo skemë do të jetë e dedikuar për territorin dhe qytetarët që secili prej tyre mbulon.
Rama ka kërkuar gjithashtu që takimet në bazë me qytetarët të zhvillohen në mënyrë sistematike, çdo javë.
Qëllimi, sipas tij, është dëgjimi nga afër i shqetësimeve dhe problematikave të qytetarëve.
Një tjetër çështje e ngritur gjatë takimit ka qenë nisma “Pasqyrë Shqipëri”, ku mësohet se Rama ka kërkuar që kjo nismë të trajtohet si një rregull që duhet të zbatohet nga të gjithë.
“Pasqyrë Shqipëri” duhet të jetë ligj dhe të zbatohet nga të gjithë”, mësohet të ketë deklaruar kryeministri.
Discussion about this post