Erald Mejdani, 36 vjeçari nga Ballshi, i cili u zhduk 22 ditë më parë në Fier, u gjet sot i pajetë në një ndërtesë të pabanuar në këtë qytet. Sipas Policisë së Fierit, Erlad Mejdani nuk ka shenja dhune në trup, ndërsa dyshohet se ka ndërruar jetë nga përdorimi i drogës. Dyshohet se Mejdani ka kaluar një overdozë të dyfishtë.
Sipas të atit, në denoncimin e datës 19 janar, i biri është larguar nga banesa më datë 8 të këtij muaji dhe nuk është kthyer më në banesë. Ndërsa nëna e djalit tregoi komunikimin e fundit që ata kanë pasur së bashku.
“Djali që në datën 8 u kthye nga Greqia se e kapën pa dokumente dhe në datë 9 ai ishte në Gjirokastër pasi natën e 8 janarit fjeti në një hotel në Gjirokastër. Më datë 9 janar në mëngjes ai po pinte kafen me një kushëri të tij, ku unë komunikova nëpërmjet facebook dhe më tregoi se do të nisej për në shtëpi. Ai ishte momenti fundit që ne u dëgjuam dhe prej asaj dite nuk kemi më asnjë kontakt” – tha nëna e Eraldit.
Discussion about this post