Sot në Divjakë është shënuar dita e 31-të e protestës qytetare kundër reformës administrative territoriale e propozuar nga PS që e eliminon Divjakën duke e bashkuar me Lushnjen.
Divjakasit janë duke kryer qëndresë në protestën e tyre pavarësisht presioneve të vazhdueshme gjë që ditët e fundit është bërë më intensive.
Sikur të mos mjaftonin presionet që u bëhen pjesëmarrësve nga njerëz të pushtetit vendor e qendror, mbrëmjen e së dielës është ndërprerë edhe energjia elektrike gjatë kohës që ishin mbledhur pjesëmarrësit dhe priteshin fjalimet.
Protestuesit kanë anatemuar drejtuesit vendorë e qendrorë dhe kanë vijuar marshimin në rrugët e qytetit. Vetëm sheshi kryesor ku mbahet protesta ka pasur mungesë të energjisë elektrike dhe bulevardi kryesor, ndërsa lagjet e tjera kanë qenë të furnizuara. Pas marshimit në shesh u rikthye energjia elektrike.
Pjesëmarrësit thanë se do të mblidhen sërish nesër më shumë.
Discussion about this post