Tre mjekë në maternitetin e Pogradecit janë proceduar penalisht në lidhje me vdekjen e 36-vjeçarja shtatzënë Marjana Karolina Bunaj. Mësohet se këta tre mjekë, po hetohen për akuzën e neglizhencës në trajtimin mjekësor të 36-vjeçares dy ditë më parë. Bëhet fjalë për mjekët Blerta Delija kirurge gjinekologe, Saimir Cela kirurg dhe Anri Topi reanimator.
Pas ekzaminimit nga tre mjekët në maternitetin e Pogradecit, 36-vjeçarja është nisur me autoambulancë në Tiranë për trajtim më të specializuar. Por gjendja e të ndjerës u përkeqësua ndjeshëm rrugës dhe u dërgoi në maternitetin e Elbasanit ku edhe ndërroi jetë.
Njoftimi i Policisë:
Specialistët për Hetimin e Krimeve të Komisariatit të Policisë Pogradec referuan materialet në Prokurori ku nisi procedimi penal për shtetasit: B. D., 35 vjeçe, banues në Elbasan, A. T., 40 vjeç, dhe S. Ç., 34 vjeç, të dy banues në Pogradec, me detyrë mjekë në maternitetin e Pogradecit.
Mbrëmjen e datës 30.08.2026, është paraqitur në martenitetin e Pogradecit, në gjendje jo të mirë shëndetësore, shtetasja M. K., 36 vjeçe, 7 muajshe shtatzënë. Pas ekzaminimit nga këta tre mjekë, 36-vjeçarja është nisur me autoambulancë, për ndihmë mjekësore të specializuar në një maternitet në Tiranë, por duke qenë se gjendja e saj shëndetësore është përkeqësuar gjatë rrugës, ajo është dërguar në maternitetin e spitalit të Elbasanit, ku u konstatua se kishte humbur jetën.
Materialet procedurale iu referuan Prokurorisë së Korçës, për veprime të mëtejshme, për veprën penale “Neglizhenca në trajtimin mjekësor”.
Marjana Karolina Bunaj, humbi jetën teksa po transportohej drejt Tiranës për ndihmë të specializuar mjekësore. Familjarët ngrenë pikëpyetje për mënyrën se si është menaxhuar situata në maternitetin e Pogradecit dhe kërkojnë zbardhjen e plotë të rrethanave.
Discussion about this post