Sekretari i Përgjithshëm i PD-së, Flamur Noka, ka reaguar për pjesëmarrjen e prokurorëve të SPAK në një konferencë ndërkombëtare të organizuar nga DEA në Paraguai, kushtuar luftës kundër trafikut të drogës.
Në konferencë morën pjesë përfaqësues të autoriteteve të SHBA-së, Shqipërisë, Kolumbisë, Ekuadorit, Ukrainës, Paraguait dhe Argjentinës. Sipas Nokës, diskutimet u përqendruan te koordinimi operacional për goditjen e rrjeteve ndërkombëtare të narkotikëve.
Në reagimin e tij, Noka e vë theksin te prania e Shqipërisë në këtë tryezë, duke shkruar se DEA e trajton Shqipërinë në të njëjtën kategori me Ekuadorin dhe Kolumbinë për çështjen e drogës.
Reagimi i plotë:
DEA 🇺🇸 organizon konferencë për luftën kundër drogave. E trajton Shqipërinë si Ekuadorin dhe Kolumbinë.
Prokurorët e SPAK u takuan me kolegë nga SHBA, Kolumbia, Ekuadori, Ukraina, Paraguai dhe Argjentina, për koordinimin operacional të nevojshëm për të goditur kërcënimet ndërkombëtare në Europë, Amerikën Latine dhe SHBA.
Discussion about this post