Sherr në Kavajë/ Përleshen me leva e grushte dy shoferët e furgonëve, njëri përfundon në spital

Një konflikt mes dy drejtuesve të furgonëve është regjistruar mesditën e sotme pranë tregut të Kavajës.

Sipas informacioneve paraprake, janë përfshirë në një përplasje shtetasit Lufti Kaziu dhe Iljaz Istrefi, të dy shoferë furgonash.

Ende nuk dihen shkaqet që kanë çuar në konflikt mes tyre, ndërsa gjatë përleshjes, Iljaz Istrefi dyshohet se është goditur me një levë në kokë.

Ai është transportuar më pas në Spitalin e Kavajës, ku ka marrë ndihmë mjekësore.

Në vendngjarje kanë mbërritur forcat e Policisë së Kavajës, të cilat kanë nisur veprimet për sqarimin e plotë të rrethanave të ngjarjes.

Ndërkohë, Lufti Kaziu është shoqëruar në polici për veprime të mëtejshme, ndërsa hetimet vijojnë për përcaktimin e përgjegjësive dhe zbardhjen e konfliktit.