Vendi ynë do të vijojë të ndikohet edhe gjatë ditës së shtunë nga kushte atmosferike të qëndrueshme në të gjithë territorin.
Sipas parashikimit meteorologjik, moti do të jetë i kthjellët në të gjithë vendin, ndërsa temperaturat do të vijojnë të jenë të larta për këtë periudhë.
Vlerat maksimale pritet të arrijnë deri në 37°C, veçanërisht në qytete si Shkodra, Elbasani, Berati, Fieri dhe Gjirokastra.
Era do të fryjë me drejtim verilindje–veriperëndim, me shpejtësi mesatare rreth 4 m/s.
Përgjatë vijës bregdetare dhe në zonat luginore, era pritet të fitojë intensitet, duke arritur deri në 8 m/s, ndërsa në det do të ketë valëzim të forcës 1–2 ballë.
Discussion about this post