Protestat qytetarë në Tiranë të cilat kanë nisur që në fund të muajit maj kundër klasës politike vijojnë ende. Protesta kombëtare e organizuar mbremjen e djeshme, e cila shënonte 105 ditë revoltë ka tërhequr vëmendjen e mediave ndërkombëtare. Media amerikane, CBS News ka publikuar pamje nga protestea dhe ka bërë një raportim për pjesëmarrjen e diasporës shqiptare.
Protestat e nisura fillimisht si një kundërshtim i një projekti turistik në zonën e Zvërnecit, u shndërruan në një lëvizje më të gjerë kundër qeverisë, me protestuesit që kërkojnë dorëheqjen e kryeministrit Edi Rama, rrëzimin e klasës politike dhe anulimin e ligjit për zonat e mbrojtura.
“Të shtunën, protestuesit dolën në rrugët e Tiranës, në Shqipëri, në kuadër të demonstratave që nisën në fund të muajit maj kundër një resorti luksoz të lidhur me Jared Kushnerin. Protestat, të cilat hynë në ditën e tyre të 105-të, janë shndërruar në një lëvizje më të gjerë kundër qeverisë, që kërkon dorëheqjen e kryeministrit Edi Rama, shkruan CBS News.
Sipas një raportimi të Associated Press, protestat nisën fillimisht kundër një projekti për ndërtimin e një resorti luksoz, por me kalimin e kohës kërkesat e tyre janë zgjeruar dhe tubimet janë shndërruar në një lëvizje më të gjerë kundër qeverisë.
AP e përshkruan protestën si një nga lëvizjet më të gjata të këtij viti në vendin tonë. Pjesëmarrësit vijojnë të mbushin rrugët e Tiranës, ndërsa në protestat e fundit është përfshirë edhe diaspora.
gijotina.com/
Discussion about this post