Mëse fundit Ministria e Shëndetësisë hap dritën jeshile për tifozët. Mësohet se institucioni i lartë i shëndetësisë, duke iu referuar rasteve në ulje të infektimeve me Covid-19, si dhe duke marrë parasysh kërkesën e FSHF-së, por edhe ato të Bashkisë së Shkodrës, si dhe të tifo-grupit “Ujqërit e Dëborës”, kanë vendosur të bëjnë një përjashtim.
Dosja.al ka mësuar se Ministria e Shëndetësisë ka vendosur që në ndeshjen e sotme finale të Kupës së 69-të të Shqipërisë, midis Vllaznisë dhe Skënderbeut që do të zhvillohet në stadiumin “Air Albania”, duke nisur nga ora 19:00, të lejojë pjesëmarrjen e 1000 tifozëve në në këtë takim të rendësishëm dhe përmbyllës të sezonit futbollistik 2020-2021.
