Lëvizja Socialiste për Integrim ka reaguar pas deklaratës së PD kur ish-kryeministri Sali Berisha konfirmoi koalicionin me LSI në zgjedhjet vendore të 6 marsit.
LSI shkruan se Basha ishte i tmerruar nga “primaret” e organizuara ditën e djeshme nga Berisha, ndërsa akuzojnë kreu demokrat se po i provokon për të shmangur vëmendjen.
“I tmerruar nga primaret e djeshme të jashtëzakonshme, deputeti Basha i cili mashtroi për 10 vite e si bëri kurrë tani provokon LSI-në për të shmangur vëmendjen nga kandidatët që caktohen me zarfa në minutë të fundit prej 10 vitesh. Të gjithë për rivendosjen e integritetit të votës së lirë”, shkruan LSI.
Më herët, ish-kyeministri Berisha, ndërsa prezantoi kandidatët që dolën nga primaret e ditës së djeshme, deklaroi se do të futet në zgjedhjet lokale nën siglën e koalicionit “Shtëpia e Lirisë” ku konfirmoi pjesëmarrjen e LSI.
Discussion about this post