Ngjarje e rëndë në Tiranë. Një krim brenda familjes ka ndodhur ditën e sotme në zonën e Zogut të Zi, ku sipas informacioneve një burrë ka goditur me thikë bashkëshorten e tij. Krimi ka ndodhur në një kompleks që ndodhet pas shkollës “Harry Fultz”.
Hysni Patushi, 68 vjeç, dyshohet se ka goditur me thikë bashkëshorten e tij, Lumturie Patushi, 58 vjeçe.
Mësohet se në krimi ndodhi në sy të nipit të mitur të çiftit të bashkëshortëve dhe dhëndrit të tyre.
Gruaja ka marrë plagë të rënda dhe është transportuar me urgjencë drejt spitalit. Pavarësisht ndërhyrjes mjekësore, ajo nuk ka mundur t’u mbijetojë plagëve të marra dhe ka humbur jetën.
Pas krimit, autori i dyshuar është larguar nga vendngjarja.Policia e ka shpallur atë në kërkim dhe po zhvillon kontrolle për lokalizimin, kapjen dhe arrestimin e tij.
Në vendin ku ndodhi ngjarja kanë mbërritur forcat e policisë dhe grupi hetimor.
Hetuesit po punojnë për të përcaktuar dinamikën e krimit dhe rrethanat që çuan në vrasjen e gruas.
Njoftimi i Policisë:
Tiranë/Informacion paraprak Rreth orës 10:20, në rrugën “Panorama”, dyshohet se, pas një konflikti në banesë, shtetasi H. P., 68 vjeç, ka goditur me mjet prerës bashkëshorten e tij, shtetasen L. P., 58 vjeçe, e cila ka humbur jetën. Autori i dyshuar, shtetasi H. P., 68 vjeç, është larguar nga vendngjarja. Vijon puna për lokalizimin dhe kapjen e tij, si dhe për dokumentimin e plotë të rrethanave të ngjarjes./
Discussion about this post