Krenar Ahmeti: Para dy ditësh i morën ‘mbretëreshën’, Rama sapo të zbresë në Shqipëri do të jetë shah-mat

Në ditën e 116-të të protestës kundër qeverisë dhe kryeministrit Edi Rama, Krenar Ahmeti ka bërë thirrje për vijimin e qëndresës qytetare.

Duke përdorur metaforën e një loje shahu, Ahmeti tha se pas zhvillimeve të fundit,  “e ka radhën” kryeministri Edi Rama.

Ai tha se ne Shqiperi nuk funksionin asnje institucion, përveç SPAK.

“I kemi thënë krejt botës se çfarë fytyre ka. Para dy ditësh ia morëm edhe mbretëreshën. Ju kujtuat se ishte Balluku mbretëresha. Ju tha ‘kjo ishte mbretëresha’, mbretëresha e zezë e fushës së këtij shahu. Tani e ka radhën ai. Në këto momente ai është shah, sa të zbresë këtu do jetë shah-mat. Prandaj të dashur bashkatdhetarë, më thoni një institucioni që funksionin në vendin tonë përveç SPAK.

Situata e sigurisë nuk është mirë. Duhet të qëndrojmë në këtë vend, janë momente diçizive. Ju kam thënë që në fillim që ne nëse nuk qëndrojmë derisa ai të japë dorëheqjen dhe të plotësohen kërkesat, ky vend do lëngojë edhe 50 vjet. Prandaj dilni në shesh për veten tuaj, mos hezitoni”, tha nder te tjera Ahmeti.