Deputetja e pavarur, Marjana Koçeku, e cila braktisi pak kohë më parë Ramën, thotë se Partia Socialiste është rebele dhe i ka kthyer shpinën qytetarëve.
Me anë të një postimi në rrjetet sociale, teksa komenton debatin për reformën territoriale, që pritet të miratohet sot, Koçeku thotë se ata socialistë që e kundërshtojnë këtë draft kanë kryer me dinjitet detyrën e tyre.
Koçeku u ndal te komunitetet periferike, duke kërkuar që ato të mos lihen pas dore nga ndryshimet e propozuara në ndarjen administrativo-territoriale.
“Deputetët e PS-së që kanë dalë kundër reformës territoriale duhet ta dinë se nuk janë ata rebelët. Partia e tyne asht rebele, që i ka kthy shpinën qytetarëve. Nëse edhe sot të njëjtët deputetë e kundështojnë projektligjin e territoriales, e kanë kry me dinjitet detyrën e vet. Komunitetet periferike janë komunitete në nevojë. Mos i braktisni ato, siç i ka braktisë partia juej!”, shkruan Koçeku.
Discussion about this post