“O jam kamarier dhe po shkoj në punë”, ndalohet me dhunë i riu te Kryeministria

Një i ri u ndalua me dhunë nga policia sot paradite pranë Kryeministrisë.

Ai u kap teksa po kalonte në atë pjesë të rrugës përballë godinës së zyrës së kryeministrit.

Teksa po shoqërohej me dhunë ai u dëgjua të thoshte se ishte duke shkuar për në punë, pasi punon si kamarier si gjithë studentët.

Efektivët që e ndaluan i kërkuan të ruajë qetësinë, ndërsa ai u përgjigj se më keni vënë duart në fyt.

I riu: Më ndaluan kot. Më kontrolluan rastësisht asgjë. Ça po të bëj o vlla? Po ju ha bukën?! Po shkoja në punë, kamarier si gjithë studentët e tjerë.

Si qetësi më vlla më keni vënë duart në fyt.