Një ditë pas tensioneve dhe kaosit të krijuar në Kuvend, PS ka vendosur përjashtimin me 60 ditë nga punimet parlamentare të gjashtë deputetëve të Partisë Demokratike.
Sipas vendimit në Komisariatin e Etikës, masat disiplinore janë marrë ndaj deputetëve Flamur Noka, Belind Këlliçi, Edi Paloka, Fidel Kreka, Luçiano Boçi dhe Besart Xhaferri.
Ndërkohë, për 14 deputetët e tjerë demokratë, Gjin Gjoni, Bardh Spahia, Albana Vokshi, Elda Hoti, Xhelal Mziu, Gent Strazimiri, Enno Bozdo, Kastriot Piroli, Kliti Hoti, Flamur Hoxha, Arjan Ndoja, Ivi Kaso, Zija Ismaili dhe Blendi Himçi, nuk u mor masë përjashtimi, por vetëm iu tërhoq vëmendje.
Vendimi vjen pas përplasjeve të një dite më parë në Kuvend, ku situata u shoqërua me tensione dhe kaos gjatë zhvillimit të punimeve parlamentare.
Përjashtimi për një periudhë prej 60 ditësh përbën një masë të rëndë disiplinore ndaj gjashtë deputetëve demokratë, ndërsa pritet të shihet se si do të ndikojë ky vendim në vijimësinë e aksionit parlamentar të opozitës.
Discussion about this post