Teksa sot do të mbahet protestë kombëtare, nga studentë, pedagogë dhe bizneset, kryeministri Edi Rama vazhdon tëb provokojë protestuesit me ftesën për dialog, ndonësev këta të fundit i janë përgjigjur prerë sëe nuk ka dialog me një njeri që dhunon hapur të rinjtë e vendit dhe tregohet shurdh ndaj kërkesave të tyre.
Sipas tyre nuk mund të ketë dialog me kërbaç, sikurse ka vepruar këto ditë Rama, i cili ka kërcënuar studentët se nuk kanë alternativë tjetër: Ose të pranojnë dialogun, ose do të përfundojnë në burg.
Ndërkohë edhe të rinjtë shqiptarëv tashmë të mbështetur edhe nga sindikata të ndryshme, si ajo e pedagogëve, mjekëve dhe së fundmi edhe i artistëve, përfshirë edhe qytetarë të shumtë qe i janë bashkangjitur lëvizjes, janë shprehur se edhe për ata ka vetëm një alternativë; dorëheqjen e tij dhe krijimin e një qeverie teknike për zgjerdhje të lira e të ndershme.
Në pamjet e publikuara nga Rama, shihet se këtë herë kryeministri ka ndryshuar strategji, duke vendosur një tip sofre të madhe guri, ndërsa rreth e qark shilte. Kujtojmë se karriget, stolat prej guri që çdo ditë Rama ka vendosur para Kryeministrisë për studentët, që të ulen në dialog, këta të fundit i kanë refuzuar.
Shqiptarët i përgjigjen me protestë
Ndërkohë, sot pritet një mobilizim i gjerë në kryeqytet, ku studentëve do t’u bashkohen pedagogë, përfaqësues të bizneseve, artistë dhe qytetarë.
Sipas njoftimeve, pedagogët pritet të mblidhen në orën 10:00 pranë Universitetit Politeknik, për t’iu bashkuar më pas protestës.
Edhe Sindikata e Pavarur e Artit, Kulturës dhe Medias e Shqipërisë ka njoftuar pjesëmarrjen në tubimin kombëtar të 24 tetorit, në solidaritet me studentët, të rinjtë dhe qytetarët. Sindikata u ka bërë thirrje anëtarëve të saj, artistëve dhe punonjësve të kulturës e medias të mblidhen në orën 11:00 përpara Kryeministrisë.
Në thirrjen publike, sindikata thekson se pjesëmarrja në protestë lidhet me përgjegjësinë qytetare për të ardhmen e vendit, si dhe me mbrojtjen e të drejtave të punëmarrësve.
Nga ana tjetër, Partia Demokratike u ka bërë thirrje aktivistëve dhe strukturave të saj që në orën 12:00 të dalin në mbështetje të protestës studentore.
Në orën 14:00 është paralajmëruar bashkimi i grupeve të studentëve në tubimin përpara Kryeministrisë.
Mobilizimi po zhvillohet edhe jashtë Tiranës, pasi studentë nga qytete të tjera, të cilët gjatë javës kanë protestuar pranë universiteteve të tyre, pritet të udhëtojnë drejt kryeqytetit për t’iu bashkuar protestës kombëtare.
Grupet studentore në Tiranë po koordinojnë pjesëmarrjen me studentët e universiteteve të tjera, ndërsa protesta pritet të përqendrohet përpara godinës së Kryeministrisë.
Pavarësisht ftesave të përsëritura të Ramës për dialog, studentët vijojnë të refuzojnë bisedimet me të, ndërsa vëmendja sot është përqendruar te protesta kombëtare dhe pjesëmarrja e grupeve të ndryshme në tubim.
Discussion about this post