Noka: Jemi këtu për t’i dhënë mbështetje më të madhe protestës heroike të studentëve, koha të bashkohemi!

Sekretari i Përgjithshëm i PD, Flamur Noka, tha se demokratët kanë dalë në shesh për të përkrahur protestën heroike të të rinjve shqiptarë.

“PD është forca politike që ka lindur nga protestat dhe sigurisht kemi 13 vite që jemi në betejë dhe protestë të përditshme me këtë narkoregjim.

Jemi e vetmja forcë politik që kemi paralajmëruar që në fillimet e pushtetit të Edi Ramës se këta po instalojnë një narkeregjim.

Dhe sigurisht që kemi qenë në ballë të çdo lëvizje kundër kësaj qeverie.

Në 13 vite ne jemi denoncuar më të mëdhenj të çdo afere kriminale dhe korruptive të Edi Ramës.

Ne kemi qenë në ballë të çdo proteste dhe do të vazhdojmë të jemi.

Ndaj jemi edhe sot në këtë protestë kombëtare të thirrur për të mbështetur studentët.

Pra, protestat e çdo grupi shoqëror që kanë qenë kundër Edi Ramës dhe qeverisë së tij, PD ka qenë aty për t’i mbështetur.

Jemi sot në këtë organizim për t’i dhënë një spunto më të madhe asaj proteste heroike të të rinjve dhe studentëve të këtij vendi.

Ajo protestë meriton mbështetje nga çdo qytetar shqiptar dhe ne po bëjmë atë që duhet.

Meriton mbështetje sepse është një protestë që bëhet për të çliruar këtë vend nga kthetrat e mafies dhe narkoregjimit.

Ndaj është koha që të bashkohemi të gjithë.

Kreu i narkos është në gjendje të dëshpëruar. Kur arrin që të etiketojë si kriminelë studentët, madje një pjesë e tyre që janë ekselentë. Jo, ata janë ajka e këtij vendi, ata janë krenaria e këtij vendi dhe do kenë mbështetjen e çdo shqiptari.

Edi Rama duhet të ketë parasysh një gjë, kurrë me dhunë pushteti nuk është mbajtur.

Kush ka tentuar ta mbajë pushtetin me dhunë dhe terror, ka pasur vetëm një fund. Dhe fundi i çdo diktatori dihet.

Ndaj është koha të largohet pa e agravuar shumë situatën,” tha Noka.