Policia e Fierit ka vënë në pranga një 23- vjeçar të identifikuar me iniciale A.M., i cili rezulton se është autor i një aksidenti me vdekje. Burime policore bëjnë me dije se i riu gjatë mbrëmjes së djeshme, në aksin rrugor Fier-Levan, në vendin e quajtur “Qafa e Koshovicës”, duke drejtuar automjetin tip “Benz” ka aksidentuar një person i cili dyshohet se ishte endacak i shtrirë në rrugë. Ky i fundit mësohet se ka ndërruar jetë në spitalin rajonal Fier.
Po punohet për identifikimin e viktimës.
Paraprakisht dyshohet se shkak i aksidentit është bërë shpejtësia përtej normave të lejuara ndërsa policia nuk ka qenë në patrullim.
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme.
Discussion about this post