Ilir Shaqiri është finalisti i parë i “Big Brother VIP”. Lajmi u konfirmua pas hapjes së një televotimi, ku Iliri mori votat e publikut për të qenë në finale.
Iliri prej shumë vitesh jeton në Itali dhe karrierën e tij e ka zhvilluar atje.
Ai ka rreth 35 vite në skenën shqiptare dhe atë italiane ku ka dhuruar emocione. Ka qenë balerin në programe të njohura italiane si, “Buona Domenioca”, “Amici”, dhe ”La Corrida”.
“Shkollën e baletit e kam filluar në moshën 10-vjeçare. Nuk kisha shumë dëshirë për të filluar shkollën e baletit, si të gjithë çunat doja të merresha me futboll, por prindërit më dhanë shumë shtyrje, sepse donin që unë ta jetoja atë që ata nuk patin fatin ta jetonin në kohën e dhimbshme të komunizmit. Isha një fëmijë shumë i bindshëm. Filloi me shumë dhimbje, sepse duhet të ushtrohesh, trupi duhet të hapet. Kur kam filluar unë ka qenë shumë e vështirë, pasi standardi ishte shumë i egër, kushtet ishin shumë të varfra. Kaluan 8 vite mes orë e orë sakrificash. Pas vitit të 5-ë fillova ta doja sepse ke fituar shumë gjëra, ke fituar autonomi dhe kë dëshirën për ta demonstruar. Në shkollën e baletit hynin 20 persona dhe çdo tre muaj, ishin provimet nëse si kalojë të merrnin dhe të hiqnin dhe nisje një shkollë tjetrit. Kur arrinim 18- vjeç, përfundonin klasat vetëm me nga 3 persona“,- ka treguar ai.
Iliri ka hapur dritat e shtëpisë së “Big Brother VIP” dhe tani ka shansin e t’i mbyllë ato duke qenë në finale.
Discussion about this post