Ivi Kaso, deputeti i PD-së që ndezi flakadanë sot në parlament dhe u përjashtua për së paku ditën e sotme, ishte i ftuar në emisionin Minuta e parë.
Kaso tha se kryeministri Edi Rama është autokrat, që duhet rrëzuar. Shtoi se qeveria e Ramës dhunon studentët dhe tallet me qytetarët.
Sipas tij, kryeministri duhet të ikë, pasi kjo do i shërbente vetëm për mirë vendit.
Ivi Kaso: Rama në vend se të dëgjojë studentët, i dhunon ato. Nuk mundet që një shtet normal të miratojë 18 ligje për një ditë. Kështu do shkojmë në BE? Duke miratuar ligje, që nuk e dimë as se çfarë ligjesh janë.
Ne kërkuam që protesta e studentëve të jetë tema e ditës. Kjo mazhorancë tallet me qytetarët. Kjo fasadë në parlament mbahet sepse janë të gjithë këta qeveritarë që janë në hall me drejtësinë.
Halli i Shqipërisë sot është që mijëra të rinj janë në rrugë dhe qeveria nuk e vendos ujin në zjarr. Flakadanët në parlament janë shenjë revolte të anormalitetit që ekziston në vend. Vendi është në moment të rëndë të krizës politike. E dinë dhe ata që kjo krizë nuk zgjat shumë.
Opozita ka vite që e thotë se duhet të dorëhiqet kryeministri i vendit, sepse është e keqja e madhe e vendit dhe të nisë rruga për ndryshim. U keqkuptua fjala e Berishës, sepse nuk bëri thirrje për dhunë, por e kishte në mënyrë simbolike, që shkopat e gomës i meritojnë qeveritarët e jo studentët.
Discussion about this post