Futbolli spanjoll është tronditur nga një lajm tragjik. Jesús de Miguel ka ndërruar jetë këtë të martë, më 3 nëntor, pasi nuk arriti t’u mbijetonte plagëve të marra në aksidentin e rëndë gjatë ndeshjes të së hënës mes Tenerife-s dhe FC Andorrës.
Lajmi i hidhur është konfirmuar nga vetë klubi i Tenerife-s përmes një komunikate në rrjetet sociale. Futbollisti ndërroi jetë në orën 08:00 të mëngjesit, duke lënë pas dhimbje të madhe te familjarët, shokët e skuadrës dhe tifozët.
“Me zemër të copëtuar, me një nyjë në fyt dhe ende të paaftë për ta besuar se kjo është e vërtetë, njoftojmë ndarjen tragjike nga jeta të Jesús de Miguel Alameda”, thuhet në deklaratën e klubit.
Tenerife shprehu ngushëllimet më të sinqerta për familjen dhe të afërmit e futbollistit, si dhe për të gjithë tifozët që po përjetojnë këtë humbje të rëndë.
Aksidenti ndodhi gjatë përballjes me FC Andorrën, pas një përplasjeje shumë të fortë në fushë me portierin Owono. Pavarësisht përpjekjeve mjekësore, De Miguel nuk arriti të mbijetonte.
Familja e lojtarit ka falënderuar të gjithë ata që kanë shprehur solidaritet dhe mbështetje në këto momente të vështira, duke kërkuar njëkohësisht respekt maksimal për privatësinë e saj.
Një lajm që ka lënë në zi klubin Tenerife dhe gjithë komunitetin e futbollit spanjoll.
Discussion about this post