Nëpërmjet një reagimi, ish deputeti demokrat Ervin Salianji është shprehur kritik ndaj mazhorancës, duke theksuar se “Rilindja” është një sekt brutal, që vrasin dhe burgosin njëri-tjetrin.
“Rilindja është sekt brutal, vrasin e burgosin njëri tjetrin si primitivë, për pushtet nuk njohin as norma as moral, shesin miq që kanë ngrënë e pirë! Pushtetin e kanë gjithçka, të mjerë! Imagjinoni çfarë ju bëjnë qytetarëve këta”, shprehet Salianji.
Gjithashtu ai shton se për pushtet nuk njohin as norma dhe as moral.
“Ju qeverisjen e keni si fytyra e Shrekut apo si shpirti apo zemra e princit. Aq të zezë e keni qeverisjen…Unë e kuptoj luftën që keni me njëri-tjetrin por këtë duhet ta zgjidhni vetë. Lufta juaj e brendshme po i çon ashtu si po i çon njerëzit. Jua tërheqin veshin dhe ne këtë e kemi parë . Shpresoj që kur të dilni sic keni hyrë me mend tuaja, shpresoj të mos hyni me mend e të tjerëve. Madje, i keni vrarë por mund ta nisni nga Mehmet Sheshu, te Koço Xoxe , te ky tjetri që e cuat në burg, te Tahiri. Partia juaj gjysmat i ka vrarë dhe gjysmat i ka futur në burg. Nuk keni faj ju…Nëse PS ka arritur që laj thaj ti kenë mbetur 8 burra e gra që nuk kanë probleme me ligjin më mirë për ju…”, thotë Salianji në video-mesazhin e publikuar.
Discussion about this post