GIJOTINA
  • Lajme
    • Politikë
    • Aktualitet
    • Ekonomi & Sociale
    • Kosovë & Rajon
    • Botë
  • Fact-Checking & Analize
  • OP-ED
    • Opinion
    • Editorial
    • Sondazh
  • Intervista
  • Sport
  • Të tjera
    • Art & Kulturë
    • Teknologji
    • Shëndet & Fitness
    • Kuriozitete
    • Show Biz
    • Lifestyle
    • Horoskopi
    • Moti
Nuk ka rezultat
View All Result
GIJOTINA
Nuk ka rezultat
View All Result
Fillimi Lajme Aktualitet

Inflacioni rëndon xhepat e qytetarëve, por mbush arkën e shtetit me 5.4 miliardë lekë

në Aktualitet, Ekonomi & Sociale
Kohë leximi: 2 min
A A
Ushqimet e importit më të lira, por në tregjet e pakicës çmimet vetëm rriten!
Facebook Twitter LinkedIn WhatsApp

Rritja e çmimeve po bëhet një burim i konsiderueshëm i të ardhurave shtesë në buxhetin e shtetit.

Sipas parashikimeve të Ministrisë së Financave, indeksimi me inflacionin prej 2.1% do të gjenerojë rreth 5.4 miliardë lekë (rreth 58 milionë euro) të ardhura shtesë nga tatimet dhe doganat, kryesisht përmes TVSH-së dhe efektit të ndryshimit të çmimeve në vlerën e importeve.

Për shkak se TVSH-ja llogaritet si përqindje e çmimit, çdo rritje e tij rrit edhe shumën e tatimit që paguajnë qytetarët për të njëjtën sasi mallrash dhe shërbimesh. Për rrjedhojë, arka e shtetit arkëton më shumë, edhe nëse konsumi nuk rritet.

Sipas dokumentit të parashikimit të të ardhurave për vitin 2027, të ardhurat nga tatimet dhe doganat pritet të arrijnë në 583.5 miliardë lekë, nga 536.2 miliardë lekë që është plani i vitit 2026. Diferenca është rreth 46.9 miliardë lekë, ose një rritje prej 8.7%.

Nga përllogaritja e këtyre të dhënave rezulton se rreth 11.5% e të ardhurave shtesë që parashikohen për vitin e ardhshëm do të vijnë nga efekti i rritjes së çmimeve.

Inflacioni, i cili rëndon mbi fuqinë blerëse të familjeve, sjell njëkohësisht më shumë të ardhura për arkën e shtetit. Efekti është veçanërisht i ndjeshëm te produktet dhe shërbimet që konsumohen rregullisht, për të cilat familjet kanë më pak mundësi të reduktojnë blerjet.

Nga shtesa e përgjithshme e të ardhurave, rreth 13.3 miliardë lekë pritet të gjenerohen nga rritja ekonomike, e cila në përllogaritjen e Ministrisë së Financave është marrë në masën 2.73%. Ndërkohë, efekti i indeksimit me inflacionin prej 2.1% llogaritet në 5.4 miliardë lekë.

Të marra së bashku, rritja ekonomike dhe inflacioni pritet të sjellin rreth 18.8 miliardë lekë të ardhura shtesë, ose 40% të gjithë rritjes së planifikuar të arkëtimeve nga tatimet dhe doganat.

Ndryshe nga rritja ekonomike, që lidhet me zgjerimin e aktivitetit prodhues, konsumit dhe të ardhurave, inflacioni mund të rrisë arkëtimet nominale edhe pa një shtim të sasive të mallrave dhe shërbimeve që qarkullojnë në ekonomi.

Për buxhetin, kjo krijon një burim shtesë financimi, ndërsa për familjet nënkupton se një pjesë më e madhe e shpenzimeve të tyre shkon për të përballuar çmime më të larta.

Përveç efektit të çmimeve dhe rritjes ekonomike, qeveria parashikon të sigurojë të ardhura shtesë edhe përmes masave fiskale dhe përmirësimit të administrimit tatimor.

Masat e Strategjisë Afatmesme të të Ardhurave pritet të kontribuojnë me rreth 10 miliardë lekë në vitin 2027. Strategjia synon zgjerimin e bazës tatimore, kufizimin e informalitetit dhe evazionit fiskal, përmirësimin e mbledhjes së detyrimeve dhe rritjen e efektivitetit të administratës tatimore.

Një tjetër shumë prej 4.4 miliardë lekësh parashikohet të sigurohet nga masat fiskale buxhetore të vitit 2027, ndërsa masat e ndërmarra në vitet e mëparshme pritet të japin një efekt shtesë prej 1.4 miliardë lekësh.

Ministria e Financave ka përfshirë gjithashtu rreth 12.8 miliardë lekë nga korrigjime të bazuara në faktorë të tjerë./ Monitor

Etiketa: buxhetinflacionqytetare

Lajme të lidhura

Plagosja me thikë në Korçë/ 30-vjeçari në polici: Më sulmuan disa persona që nuk i njihja
Aktualitet

Plagosja me thikë në Korçë/ 30-vjeçari në polici: Më sulmuan disa persona që nuk i njihja

21:20 - 22/11/26
Securimeter 2026/ Një shpenzim i papritur prej 1,000 eurosh vë në vështirësi gjysmën e familjeve shqiptare
Breaking Views

Securimeter 2026/ Një shpenzim i papritur prej 1,000 eurosh vë në vështirësi gjysmën e familjeve shqiptare

19:30 - 22/11/26
“Çifti me jetë të lumtur”/ Shiriti i dasmave i tradhton, zbardhet skema e grabitjes së 43 mijë eurove në Ballsh
Aktualitet

“Çifti me jetë të lumtur”/ Shiriti i dasmave i tradhton, zbardhet skema e grabitjes së 43 mijë eurove në Ballsh

18:32 - 22/11/26
Para
Përplasje para Kryeministrisë/ Refuzuan të merrnin fletën e gjobës, shoqërohen Edison Lika dhe Dritan Goxhaj, qytetarët dalin para furgonit të policisë

Përplasje para Kryeministrisë/ Refuzuan të merrnin fletën e gjobës, shoqërohen Edison Lika dhe Dritan Goxhaj, qytetarët dalin para furgonit të policisë

Discussion about this post

TË FUNDIT

Rama sillet si karagjoz me rilindasit, foto me AI mes patriotëve të Kongresit të Manastirit
Breaking Views

Rama sillet si karagjoz me rilindasit, foto me AI mes patriotëve të Kongresit të Manastirit

22:00 - 22/11/26

Kryeministri Rama shfaqet si kloun mes rilindasve te alfabetit, duke përdorur inteligjencën artificiale për t’u futur në fotografinë historike të...

Lexo më shumë
Milani shpërthen në San Siro, pesë gola ndaj Frosinones dhe ngjitje në kuotën e 27 pikëve

Milani shpërthen në San Siro, pesë gola ndaj Frosinones dhe ngjitje në kuotën e 27 pikëve

21:45 - 22/11/26
Plagosja me thikë në Korçë/ 30-vjeçari në polici: Më sulmuan disa persona që nuk i njihja

Plagosja me thikë në Korçë/ 30-vjeçari në polici: Më sulmuan disa persona që nuk i njihja

21:20 - 22/11/26
Liverpool shkatërron Manchester United, Anfield në festë për katër golat në supersfidën e Premier League

Liverpool shkatërron Manchester United, Anfield në festë për katër golat në supersfidën e Premier League

21:00 - 22/11/26
“Me 2 miliardë lekë nuk ndërtojmë dot as një fushë futbolli”/ Presidenti i FSHF, Armand Duka kundërshton ligjin e sponsorizimit

“Me 2 miliardë lekë nuk ndërtojmë dot as një fushë futbolli”/ Presidenti i FSHF, Armand Duka kundërshton ligjin e sponsorizimit

20:31 - 22/11/26

GIJOTINA

Gijotina është media e pavarur, e iniciuar nga gazetarë profesionistë dhe të rinj, të karakterizuar nga paanshmëria, që sjellin tek ju gjithçka ndodh në Shqipëri, me lajme të shpejta, cilësore, investigime, fact-checking dhe analiza, duke denoncuar çdo shkelje apo abuzim ndaj qytetarëve shqiptarë.

KONTAKT

  • Contact page
  • [email protected]
  • [email protected]
  • [email protected]

Harta e Faqes

Nuk ka rezultat
View All Result
  • Lajme
    • Politikë
    • Aktualitet
    • Ekonomi & Sociale
    • Kosovë & Rajon
    • Botë
  • Fact-Checking & Analize
  • OP-ED
    • Opinion
    • Editorial
    • Sondazh
  • Intervista
  • Sport
  • Të tjera
    • Art & Kulturë
    • Teknologji
    • Shëndet & Fitness
    • Kuriozitete
    • Show Biz
    • Lifestyle
    • Horoskopi
    • Moti

© 2022 Gijotina Dev By Techzero1.com