Partia Demokratike ka paraqitur një kërkesë në Gjykatën e Tiranës për përjashtimin e gjyqtarit Agron Zhukri për çështjen e ndryshimit të statutit të paraqitur nga ish-kryeministri Sali Berisha.
Kujtojmë se Agron Zhukri është gjyqtari i përcaktuar me short, për të shqyrtuar çështjen e ndryshimeve të bëra në statutin e Partisë Demokratike në mbledhjen e thirrur nga ish-kryeministri Berisha më datë 11 dhjetor. Zhukri dha dorëheqjen nga gjykimi i çështjes, me pretendimin se kishte konflikt interesi, por gjykata vendosi të mos e pranojë dorëheqjen e tij.
Pas kërkesës së depozituar sot në Gjykatën e Tiranës, shorti ka përzgjedhur gjyqtarin Arben Kostandini, duke shkarkuar Zhukrin nga kjo çështje.
Discussion about this post