Prej shumë kohësh naftëtarët e Ballshit kanë protestuar për pagesat që nuk iu janë bërë dhe ndërhyrjet e paligjshme që bëhen në rafinerinë ku ata punonin për të mbajtur familjet. Gjatë gjithë kësaj kohë qeveria i ka zvarritur, ndërsa ditën e sotme ministrja e Financave Delina Brahimaj komunikoi sot vendimin e qeverisë për naftëtarët e Ballshit duke thënë se ata do të kenë një mbështetje sociale përgjatë gjithë vitit 2022.
Brahimaj theksoi se pagesa qe do tu jepet punonjësve të rafinerisë është e barabartë me pagën minimale dhe se të gjithë ata që janë pjesë e listës duhet të paraqiten pranë zyrave përkatëse për dorëzimin e dokumentacionit të nevojshëm.
“Sot miratuam një vendim që ka të bëjë me mbështetjen sociale për punonjësit e rafinerisë në Ballsh u jepet listës së miratuar që në nëntor 2020. Do të ketë një pagesë, të barabartë me pagën minimale, që do u jepet ish-punonjësve të Rafinerisë së Ballshit. Ftoj të gjithë punonjësit dhe ish-punonjësit e kësaj rafinerie që t’i drejtohen zyrave të punës, me qëllim dërgimin e dokumentacionit, për të përfituar këtë ndihmë, që do të jepet përgjatë vitit 2022”, tha ajo. Nuk dihet nëse këtë herë qeveria do ta mbajë fjalën apo do të gënjej sikur ka bërë gjithmonë, por gjithsei duhet të japë shpjegim për gangrenën që po thuret brenda asaj rafinerie.
Discussion about this post