Edhe pse të gjithë aluduam se mosmarrëveshjet mes Einxhel dhe Donaldit morën fund, pasi ky i fundit u kujdes për të nga incidenti me krahun, debati i djeshëm vërteton se mes tyre shpresat për të krijuar miqësi janë “zero”. Një deklaratë e moderatores se vëllezërit Veshaj janë bërë të famshëm nga të dashurat e tyre bëri që një situatë aspak e këndshme të krijohej në emisionin LIVE.
Donaldi i quajti të ulëta fjalët e saj, ndërsa debati degradoi më tej, duke kaluar në personale dhe duke hapur muhabete të vjetra mes tyre. Ata kanë pasur një bashkëpunim jashtë shtëpisë, që nuk ka përfunduar mirë. Einxhel shpërtheu ndaj tyre, duke thënë se kishte bërë një aksident dhe se e kishin hequr nga puna. Donaldi tregoi anën e tij të historisë, duke thënë se Einxhel nuk e merrte seriozisht punën, madje i kërkoi binjakut të tij Romeos që nga jashtë të publikonte provat dhe fotot që vërtetonin fjalët e tij.
Pas gjithë kësaj situate ka reaguar dhe Romeo i cili ka publikuar një video ku shihet binjaku i tij i tensionuar. Romeo krah videos shkruan: Demi i vëllait bëhu i fortë.
Discussion about this post