Moti i keq dhe reshjet e shiut janë përkeqësuar duke shkaktuar kështu problematika në disa zona të veriut. Një numër i konsiderueshëm i njësive administrative dhe lagjesh ka pasur ndërprerje të energjisë elektrike.
Disa zona të Kukësit, Hasit dhe Tropojës kanë patur ndërpreje të energjisë elektrike. Reshjet gjithashtu kanë shkaktuar edhe rënie inertesh dhe gurësh në disa segmente të rrugëve nacionale.
Në Bashkinë Tropojë është evidentuar rënie gurësh në aksin rrugor Margegaj–Valbonë. Probleme ka pasur edhe në Shkodër. Përroi ka dalë nga shtrati në Theth dhe është bllokuar rruga Theth–Ndërlysaj.
Deri më tani nuk ka rrezik për banesat, ndërsa autoritetet po marrin masat për pastrimin e rrugës dhe rikthimin e qarkullimit.
Kryesisht në Veri të vendit parashikohet të ketë shtrëngata të herëpashershme edhe përgjatë fundjavës.
gijotina.com/
Discussion about this post