Letra e një socialisti nga burgu, siç është Erjon Veliaj, për një socialiste nën hetim, siç është Belinda Balluku, e ka marrë një përgjigje dhe zgjidhje për dërguesin.
Kryebashkiaku do të operohet dhe ndërhyrja do të kryhet në spitalin e Fierit, që mbulon edhe qelinë e Veliajt e që mbulon edhe vendin ku Balluku është deputete.
Në njoftimin zyrtar të Drejtorisë së Përgjithshme të Burgjeve, ai njoftohet se në datën 23 nëntor, pas një serie konsultash mjekësore, të bëhet gati për ndërhyrjen në këmbën e majtë.
Një rekomandim ky që nuk dihet ende nëse vjen rastësisht pak orë pasi politikisht kryebashkiaku i Tiranës përdori në letër termin e “pranisë besnike”, nismës së afishuar për dëgjesat me qytetarët.
Burgjet rendisin datë pas date të gjitha konsultat e mjekëve me Veliajn, duke shtuar se trajtimi dinjitoz ndodh për çdo të burgosur dhe se kryebashkiaku i kryeqytetit është njësoj si 4227 të paraburgosurit apo të dënuarit nga i gjithë vendi.
Një barazi në qeli e cila nuk e dalloi në sytë e autoriteteve penitenciare kryebashkiakun as gjatë kontrolleve të kryera në këtë burg, ku gjatë verifikimeve për sigurinë, veç qelive u kontrollua edhe sektori i kujdesit shëndetësor.
Nuk i takon institucionit tonë të komentojë motivet e zotit Veliaj dhe as të përfshihet në polemika publike me të.
Megjithatë, e konsiderojmë të nevojshme të sigurojmë familjarët e tij dhe opinionin publik se zoti Veliaj ka marrë dhe do të vazhdojë të marrë të gjithë kujdesin e nevojshëm shëndetësor, me respekt të plotë për dinjitetin dhe të drejtat e tij.
Megjithatë, ndryshe nga lutja e socialistit me duart e lidhura, i cili kërkon që ndërhyrja të ndodhë në Tiranë, burgjet deklarojnë se planifikimi është aprovuar të ndodhë në spitalin Memorial Fier.
Pacienti duhet të paraqitet një ditë para operacionit dhe, për këtë arsye, meqenëse gjatë një konsulte mungoi mjeku i zgjedhur prej burgjeve, i kërkojnë kryebashkiakut të paraqitet që në çastet preoperatore.
gijotina.com/









Discussion about this post