Një banesë është përfshirë nga flakët sot në Shkodër. Ngjarja u regjistrua para pak minutash në lagjen Tophane.
Burime bëjnë me dije se një i moshuar 79 vjeç që ndodhej në banesë në momentin e rënies së flakëve ka ndërruar jetë.
Raportohet se ai nuk mund të dilte dot nga shtëpia për shkak se ishte i paralizuar. Ndërkohë e shoqja është dërguar në spital ku po merr ndihmë mjekësore për shkak të asfiksisë që ka pësuar. Gjithashtu mësohet se, çifti i të moshuarve jetonin të vetëm ndërsa ende nuk bëhet i ditur shkaku që ka sjellë rënien e flakëve.
Dëshmitarë të ngjarjes kanë qenë fqinjët të cilët kanë parë flakët. Ata kanë tentuar të ndërhyjnë me mjete rrethanore, por më pas kanë kërkuar ndihmë të specializuar.
Paraprakisht dyshohet se zjarri mund të jetë shkaktuar nga ndonjë shkëndijë elektrike ose ndonjë mjet të cilin i moshuari e përdorte për tu ngrohur.
Forcat zjarrfikëse kanë mbërritur tashmë dhe po punojnë për shuarjen e flakëve.
Discussion about this post