Presidenti i UEFA-s, Alexander Ceferin dhe kryeministrit Edi Rama kanë zhvilluar një takim kokë më kokë për afro 90 minuta. Sigurisht në tryezë kanë qenë ndërhyrjet politike në zgjedhjet e FSHF-së e mbi të gjitha finalja e Conference League në ‘Air Albania”.
Ceferin është një nga ata që kur bëhet fjalë për evente të mëdha të UEFA-s nuk mund të tolerojë asgjë ndaj dhe vizita e tij me Ramën tregon se numri 1 i futbollit europian kërkon siguri për finalen e madh të këtij kompeticioni.
Gjithsesi ende nuk ka detaje të bisedës por më shumë se 80 minuta në takim tregon se diskutimi ishte i gjatë mes Ceferin dhe kryeminsitrit Rama. Ceferin mbërriti me vonesë në Tiranë sot por gjithsesi ai nuk mungoi askund ku ishte planifikuar dhe pas takimit kokë më kokë me kryeministrin e vendit vizitoi edhe zyrat e reja të FSHF-së.
Duhet thëne se Armand Duka nuk ishte në takimin e Ceferin me kryeministrin Rama teksa në zyrat e reja të FSHF-së ishin të gjithë drejtuesit e federatës në krah të Ceferin. Ky i fundit mbylli vizitën në orën 18:00 por priten detaje më shumë se çfarë ka ndodhur larg kamerave në takimet kokë më kokë.
Ndoshta edhe vetë UEFA mund të dalë me një komunikatë për vizitën dhe diskutimet që ka pasur kreu i UEFA-s, Ceferin në Tiranë.
Discussion about this post